Guutada Saraaya Al-qudus oo sheegtay inay qabsatay diyaarad ay leedahay Israa’iil

[Deeq A.]

Guutada Saraayaa  Al-Qudus oo kamida xoogagga wax iska caabinta falastiiniyiinta marinka Qasa ayaa sheegtay inay dagaalamayaashoodu qabsadeen diyaarad ay leedahay Israa’iil oo howlo basaasnimo ku jirtay.

Saraaya Al-quddus waxay sheegtay inay diyaaraddaas ku qabteen magaalada Rafax ee koonfurta Qasa, balse wax faahfaahin ah oo intaas dhaafsiisan kama bixin sidii ay arrintaasi ugu suurta-gashay iyo haddii ay jiraan dad diyaaraddaas saarnaa.

Tillaabadan ayaa imaanaysa xilli dagaalka marinka Qasa uu socdo sanadkii labaad, islamarkaana Israa’iil ay si maalinle ah u gumaadayso dadka rayidka ah ee ku nool marinka go’doonsan ee dhawr mar lagu tilmamay Jahanamada adduunka markii la lala fajacay xasuuqa sida joogtada ah uga socda iyo xayiraadda saaran.

Source: goobjoog.com