Madaxweyne Xasan Sheekh “Soomaaliya iyo Ghana waxa ay wadaagaan taariikh qoto dheer oo ku dhisan midnimada Afrika”

[Deeq A.]

Madaxweynaha Soomaaliya ayaa hambalyo u diray Madaxweynaha cusub ee dalka Ghana, John Dramani Mahama, kadib markii uu ku guuleystay doorashada madaxtinimada dalkaasi.

Madaxweynaha Soomaaliya ayaa qoraal uu soo saaray ku sheegay in uu magaca dadka iyo dowladda Soomaaliyeed ugu hambalyeynayo Madaxweyne Mahama guushiisa doorashada.

Qoraalka madaxweynaha ayaa sidoo kale xusay xiriirka taariikhiga ah ee ka dhexeeya Soomaaliya iyo Ghana, gaar ahaan dhaxalka midnimada Afrikaanka.

Madaxweynaha ayaa sheegay in uu rajeynayo in la xoojiyo xiriirka laba geesoodka ah iyo iskaashiga labada dal ay wadaagaan.

Madaxweynaha cusub ee Ghana, John Dramani Mahama, ayaa horey u soo noqday madaxweyne dalkaasi, isagoo haatan mar kale ku guuleystay doorashada.

Source: goobjoog.com