Xasan Firinbi iyo xildhibaanno kale oo maanta tallaabo adag laga qaaday

[Deeq A.]

Muqdisho (Caasimada Online) – Guddoomiyaha Golaha Shacabka Sheekh Aadan Madoobe ayaa maanta soo saaray go’aanno ka dhan ah qaar kamid ah xildhibaannada golaha shacabka.

Xildhibaannadan ayaa wuxuu guddoonka ku eedeeyay inay ka hortageen habsami u socodka shaqooyinka labada gole, iyadoo 15 xildhibaan laga mamnuucay ka qayb-galka kulamada golaha muddo kala duwan.

“Xubnaha golaha shacabka ee hoos ku xusan, kuwaas oo si ku tala-gal ah u hor istaagay guntanka, diidayna inay saxiixaan warqadda xaadirinta kulankaas, in laga jaro gunadooda shan meelood hal meel, sida uu qabo qodobka 23-aad faqrada 16-aad ee XGSH,” ayaa lagu yiri qoraalka uu soo saaray Aadan Madoobe.

Sidoo kale waxaa xildhibaannadan qaarkooda laga dhimay mushaaradka, halka xildhibaan Xasan Cabdi Ismaaciil (Xasan Firimbi) si gaar ah looga joojiyay fadhiyada golaha labada bilood ee soo socda.

Xasan Firimbi ayaa lagu eedeeyay inuu u gacan qaaday askari boolis ah oo ka tirsan ilaalada baarlamaanka, xilli uu shalay raali-gelin ka bixiyay xildhibaanka arrinkaas, uuna si gaar ah ugu cudur-daartay askarigii.

“Waxaan xoghayaha guud ee golaha shacabka baarlamaanka jamhuuriyadda federaalka Soomaaliya farayaa dhaqan-gelinta go’aanka sare ku xusan,” ayuu guddoomiye Aadan Madoobe ku yiri qoraalka go’aannada uu soo saaray.

Hoos ka aqriso magacyada xildhibaannada;