Saraakiil ka tirsan ciidanka Booliska Soomaaliyeed oo ka qeyb-galay munaasabad tababar loogu xirayay cutubyo ka tirsan daraawiishta Booliska

[Deeq A.]

Saraakiil sar sare oo ka tirsan ciidanka booliska Soomaaliyeed ayaa dalka Jabuuti ugu qeyb-galay munaasabad tababar loogu soo xirayay cutubyo Ka mid noqan doona daraawiishta ciidanka booliska Soomaaliyeed, kuwaas oo muddo tababar ugu socday dalka Jabuuti.

Wafdigan Saraakiisha ah oo uu hoggaaminaayey taliyaha hoggaanka ilaalinta Canshuuraha S/ guuto  Cabdulaahi  Xasan Bariise  oo ay wehliyaan taliyaha hoggaanka Caafimaad  Boliiska S/Guuto Cabdirisaaq Afguduud  iyo G/dhexe  Axmad Maxamed Axmad oo ah taliyaha hoggaanka tababarada Ciidanka Boliiska Soomaaliyeed

Saraakiishan waxaa si heer sare ah u soo dhaweeyey taliska Booliska dalka Jabuuti iyo Saraakiil ka tirsan Karanbiyeeriga  booliska Talyaaniga  oo qeyb ka ah mashruuca tababarka daraawiishta booliska Soomaaliyeed.

Ciidanka tababarka Loo soo xiray ayaa ah  Dufcaddii 21-aad ee ciidanka daraawiishta Booliska Soomaliyeed, waxaana tababarka ciidankaan iska Kaashadey dowladaha Talyaaniga iyo Jabuuti.

Source: goobjoog.com