Sacuudi Carabiya oo 300 qof ku filisay xukuno dil ah sannadkan 2024

[Deeq A.]

Sacuudi Carabiya ayaa xukun dil ku fulisay in ka badan 300 oo qof sanadkan 2024, sida laga soo xigtay wakaaladda wararka ee AFP, ka dib markii afar daldalaad ah oo lagu dhawaaqay salaasadii ay wadarta guud ee boqortooyada ay dishay ka dhigtay tii ugu badneyd ee sanad gudihiis dalkaasi laga fuliyo.

Xukunka dilka ah ayaa lagu fuliyay saddex qof oo lagu helay inay daroogada tahriibinayeen iyo mid kale oo dil gaystay, sida ay ku warrantay wakaaladda wararka ee rasmiga ah ee Sucuudiga, oo soo xiganaysa wasaaradda arrimaha gudaha.

Waxa ay tirada guud ee dilalka sanadkan ka dhigaysa 303 qof, sida lagu sheegay tirokoob ku salaysan warbixinnada warbaahinta dawladda.

Boqortooyada Khaliijku waxay soo saartay ciqaabta dilka 200 jeer dhamaadka September, marka loo eego isla tirinta xogta rasmiga ah, taas oo muujinaysa heerar dil ah oo degdeg ah toddobaadyadii la soo dhaafay.

Sacuudi Carabiya ayaa ah dalka saddexaad ee ugu badan ee fuliya xukunada dilka ah marka laga yimaado Shiinaha iyo Iran, sida ay sheegtay Amnesty International.

Markii hore tiradii ugu badnayd ee dil muddo hal sano ah dalka ka dhacday ayaa ahayd 196 sanadkii 2022, ayay tiri kooxda xuquuqul insaanka ee fadhiggeedu yahay London, oo diiwaan gelisay tirooyinka sanadlaha ah 1990-kii.

Taha al-Hajji, oo ah agaasimaha sharciga ee ururka xuquuqda aadanaha ee Yurub ee fadhiggiisu yahay Berlin (ESOHR), ayaa dhaleeceeyay “xawaaraha gantaalaha” ee xukunada 2024, isagoo ku tilmaamay “wax aan la fahmi karin oo aan la macnayn karin”.

Dadka u dooda xuquuqul insaanka ayaa horay uga digay in Sacuudiga uu ka badan karo 300 oo dil sanadkan, iyadoo ku dhawaad maalin kasta hal qof lagu fuliyo xukun dil ah.

Source