Dowladda Soomaaliya oo soo iibsatay gaadiid dagaal oo casri ah

[Deeq A.]

Dowladda Soomaaliya ayaa soo bandhigtay gaadiid gaashaaman iyo diyaarado dagaal oo ay dhowaan soo iibsatay, kuwaas oo kaalin weyn ka qaadan doona gulufka ka dhanka ah kooxda Alshabaab iyo difaaca dalka.

Taliyaha Ciidanka Xoogga Dalka Soomaaliyeed Janaraal Odawaa Yuusuf Raage ayaa la wareegay Gaadiidkan oo ka kooban noocyo kala duwan, isagoo dhanka kale Kormeeray Diyaaradaha Ciidamada Cirka Soomaaliyeed.

Qalabaynta ciidanka xoogga dalka ayaa u muuqata inay dowladdu xoogga saarayso, xilli uu dalku wajahayo daandaansiga dhul boobka ah ee Itoobiya iyo dagaalka Alshabaab oo daba dheeraaday.

Source: goobjoog.com