Shir ku saabsan Qorshaha kala guurka Hawlgalka ATMIS oo Muqdisho ka furmaya

[Deeq A.]

Guddi Farsamo oo diyaarinaya Shirweynaha Taliyaasha Ciidamada dalalka kamidka ah Hawlgalka Nabad Ilaalinta Midowga Afrika ee Soomaaliya ayaa shir hordhac ah uga furmay magaalada Muqdisho.

Guddigani Farsamo ayaa qaban-qaabinaya Shir ku saabsan Qorshaha kala guurka Hawlgal ATMIS oo maalmaha soo socda ka qabsoomaya magaalada Muqdisho kaasi oo ay ka qayb galayaan Taliyaasha Ciidamada dalalka kamidka ah Hawlgalka Nadad Ilaalinta Midowga Afrika ee Soomaaliya.

Wararka ayaa sheegaya in Shirkani si weyn looga hadli doono qorshaha kala guurka ee Hawlgalka ATMIS oo ku eg 31 bishaan Diseember 2024 kaasi oo uu baddalidoono howlgalka cusub ee AUSSOM oo ka bilaabanaya horraanta bisha Jannaayo ee sannadka cusub ee 2025.

PUNTLAND POST

The post Shir ku saabsan Qorshaha kala guurka Hawlgalka ATMIS oo Muqdisho ka furmaya appeared first on Puntland Post.