Booliska Masar oo baaraya geerida lix qof oo Soomaali ah oo Meydadkooda laga helay Qaahira

[Deeq A.]

Lix qof oo Soomaali ah, oo isku qoys ahaa, ayaa meydkooda laga helay guri ay degganaayeen oo ku yaalla magaalada Qaahira sida ay xaqiijiyeen Booliska.

Wararka qaar ayaa sheegaya in qoyskan u geeriyoodeen gaaska dabka ee guriga ka dib markii naqaska uu ku dhegay.

Falkan murugada leh ayaa dhacay maalintii Khamiistii, markii ay xubnaha qoysku neef qabatimeen, taasoo sababtay in ay u dhintaan sunta ka dhalatay gaaska.

Booliska dalka Masar ayaa ku qasbanaaday inay guriga jebiyaan si ay u galaan, maadaama uu xirnaa. Dhamaan xubnaha qoysku waxay si lama filaan ah ugu naf waayeen shilkan nasiib darrada ah.

Ciidamada ammaanka ayaa hadda wada baaritaan rasmi ah oo ku saabsan dhacdadan si ay u xaqiijiyaan sababaha dhabta ah ee keenay geeridan xanuunka leh.

Natiijada baaritaanka ayaa la filayaa inay iftiimiso waxyaabaha ku gadaaman falkan murugada leh.

Source: goobjoog.com