Madaxweyne Muuse Biixi oo ka hadlay guusha Cabdiraxmaan Cirro

[Deeq A.]

Madaxweynaha xilka kasii degaya ee Somaliland, Muuse Biixi Cabdi, ayaa u hambalyeeyay madaxweynaha cusub ee la doortay, Abdirahman Mohamed Abdullahi “Cirro.”

Madaxweyne Biixi oo ahaa Musharaxa xisbiga talada haaya ee Kulmiye ayaa looga guuleystay doorashadii dhacday 13 bishaan.

Wuxuu ballan qaaday inuu si buuxda uga shaqayn doono in kala guurka xukunka uu noqdo mid nabad ku dhamaada.

Madaxweyne Muuse Biixi ayaa sidoo kale ku rajo weyn in maamulka cusub uu dalka gaarsiin doono nabad, horumar, iyo midnimo shacabka dhexdiisa ah​​​​.

Madaxweynaha ayaa shacabka uga mahadceliyay fursadii ay siiyeen inuu hogaamiyo muddadii uu xilka hayay.

Dad badan ayaa ku ammaanay Madaxweyne Biixi uu qabtay afar doorasho oo isku sidkan. sidoo kalena uu ka fogaaday in uu wad faragalin ah ku sameeyo doorashada.

Source: goobjoog.com