Falcelin culus oo ka dhalatay tallaabo uu maanta qaaday BF

[Deeq A.]

Muqdisho (Caasimada Online) – Xildhibaannada labada gole ee baarlamaanka federaalka Soomaaliya oo maanta kulan wadajir ah ku yeeshay magaalada Muqdisho ayaa meel-mariyay xeerka dhismaha ururada iyo xisbiyada siyaasadda ee ka qayb-galaya doorashada.

Dhamaan xildhibaannada soo xaadiray kulanka ayaa cod aqlabiyad ah ku ansixiyey xeerkaan, sida uu sheegay guddoonka, waaxaana ogolaatay 177 Xildhibaan, ma jirin Xildhibaan diiday ama aamusay, sida uu kulanka ka sheegay guddoonka barlamanka.

Tallaabadan uu qaaday maanta baarlamaanka Soomaaliya ayaa durba waxaa ka dhalatay fal-celin xooggan, ayadoo horey u diideen madaxdii hore iyo siyaasiyiinta mucaaradka kulamada uu baarlamaanka ku ansixinayo sharciyada la xiriira doorasho qof iyo cod.

Haddaba, sidee looga fal-celiyay arrintaan?

Cabdirisaaq Calinuur: “Waxba soo kordhin mayso waxaan ummada Soomaaliyeed heshiis iyo raali iskaga ahayn meel ay ka shaqeynayaana ma jirto waa un ijiid aan ku jiidee iyo gacmo daalis in xeer la ansixiyo oo aad soo sartaan Xasan saxiixo, umalayn maayo in ay dhaqan-gali doonto marka iska qaata xoogagiina gacmahana kor u taaaga.”

Xuseen Maxamed: “Filim horay loo daawaday baad dib u jilaysaan, waxba niima soo kordhineyso ee daal baad kororsateyn uun.”

“Shaqo wanaagsan ayaad shacabka Soomaaliyeed u heysaan guuleeysta,” ayuu yiri Bashiir Cali oo kamid ah dadka ka fal-celiyay ansixinta uu maanta sameeyay baarlamaanka ee la xiriirta nidaamka doorash qof iyo cod.

Maxamed Faarax “Xildhibaanada maba joogaane maxay ansixiyaan bal noo sheega yaa ansixiyay xildhibanada Jubbalanf iyo Puntland wax ka jooga malahane oo aan ka aheyn 1 & 2.”

Maxamed Sheikh Xasan ayaa sidoo kale wuxuu isna yiri “Kuwan waxaan kaga yaabay xishood la’aanta, waayo waxay na la yihiin hal qof ayaa isaga aamusay, balse sawirka waxaad ka dhex arki kartaa hal qof wax ka badan!.”

Xasan Nuur: “Shaqo wacan guddoomiye shuruucda waddanka waa muhiim in la dhamestiro.”

“170 iyo dhowr xildhibaan ayaa ansixisay waa nagu badan tahay waayahan intaas ma dhaafaan miyaa xildhibaanadu,” ayuu yiri Cabdullaahi Warsame.

Cabdirashiid Yaxye ayaa isna wuxuu yiri: “329 xildhiban marki 177 hadasho away 157-kii kale, iyagu ma diidin miyaa mase tiradaas lama so gudbiyo iyagu wa khiyaanoleyaal qaran.”

Yoonis Cali Axmed: “Qof iyo cod hadey tageyso cid waliba wey dooneysa laakiin dariiqa loo maraayo mid loo dhan yahay oo heshiis lagu yahay bal ha laga dhigo.”

“War ani wan wareerayee barlamaanka wax ma diido miyaa wuu ansixiyey unbaa lagu jirayee yaab,” ayuu yiri Sakariye Aadam Cabdisalaan.

The post Falcelin culus oo ka dhalatay tallaabo uu maanta qaaday BF appeared first on Caasimada Online.