Shacabka Somaliland oo u dareeraya doorashada Madaxtooyada iyo ammmaanka magaalooyinka waa weyn oo la adkeeyey

[Deeq A.]

Doorashada madaxtooyada Somaliland oo berrito dhacaysa ayaa u ah mid taariikhi ah, maadaama shacabka ay afar iyo labaatan saac gudahood ku dooran doonaan madaxweynaha iyo xisbiyada matalaya shanta sanno ee soo socota.

Doorashadan waxay xambaarsan tahay tartan xooggan oo u dhexeeya musharraxiin saameyn leh, iyadoo siyaasadda Somaliland ay mar kale wajahaysa loolan cusub.

Laba musharrax ayaa u muuqda inay si gaar ah isku hayaan: madaxweyneha talada haya, Muuse Biixi Cabdi oo ka socda xisbiga Kulmiye, iyo Cabdiraxmaan Maxamed Cabdillaahi Cirro oo u tartamaya xisbiga Waddani.

Labadan musharrax ayaa ah kuwo saameyn leh oo ka kala socda xisbiyo waaweyn oo soo hoggaamiyay doorashooyin hore.

Waxaa kale oo tartanka ku jira Guddoomiye Faysal Cali Waraabe oo ka socda xisbiga UCID, inkastoo tartamayaashu ay ka shakiyaan inuu la wareegi karo codbixiyayaasha marka loo eego todoba urur siyaasadeed oo kale oo la tartamaya UCID.

Guddiga Doorashooyinka Somaliland ayaa sheegay in dad ka badan 1.2 milyan oo qof ay iska diiwaangelisay codbixinta, taas oo muujinaysa xiisaha ay dadweynuhu u qabaan in ay codkooda dhiibtaan.

Doorashadani waa tii siddeedaad ee Somaliland qabato, iyadoo mar walba doorashooyinku ay u dhaceen si nabad ah.

Source: goobjoog.com