Madaxtooyada Jubaland oo ku dhawaaqday in ay xiriirkii u jartay Dowladda Federaalka Soomaaliya

[Deeq A.]

Madaxtooyada Jubaland ayaa shaacisay in ay xiriirkii u jartay dowladda Federaalka Soomaaliya kadib markii uu cirka isku shareeray Khilaafkii labada dhinac.

Warsaxaafadeed ka soo baxay Madaxtooyada Jubaland ayay ku sheegtay in ay xiriirkii u jartay xukuumadda Federaalka Soomaaliya inta ay ku soo laabanayso dastuurkii dalka islamarkaana tixgelinayso Rabitaanka shacabka Jubaland.

“Dowladda Jubbaland waxay caddeyneysaa inay hakisay xiriirikii wada-shaqeyneyd ee ay la laheyd xukuumadda federaalka Soomaaliya inta ay uga hoggaansameyso dastuurka dalka, ixtiraameysana rabitaanka shacabka Jubbaland” ayaa lagu yiri Warsaxaafadeedka Jubaland.

Go’aanka ka soo baxay Jubaland ayaa jawaab u ahaa qoraal ay soo saartay wasaaradda Arrimaha gudaha Soomaaliya kaasi oo ay ku diiday guddigii doorashada Jubaland ee Axmed Madoobe xalay magacaabay.

Halkaan ka akhriso Warsaxaafadeedka

PUNTLAND POST

The post Madaxtooyada Jubaland oo ku dhawaaqday in ay xiriirkii u jartay Dowladda Federaalka Soomaaliya appeared first on Puntland Post.