Asad Diyaano oo Muqdisho kula kulmay saraakiil ka socota Sirdoonka Mareykanka (Sawirro)

[Deeq A.]

Muqdisho (Caasimada Online) – Taliyaha Ciidanka Booliska Soomaaliyeed S/Guuto Asad Cusmaan Cabdullaahi ayaa maanta magaalada Muqdisho kulan kula qaatay khubaro ka socota FBI-da Mareykanka.

Taliye Asad ayaa Saraakiisha Khubarada ah kala hadlay sidii ay kaalin uga qaadan lahaayeen tababarada Saraakiisha Ciidanka Booliiska Soomaaliyeed iyo xoojinta dib u habeynta ciidanka.

Saraakiisha FBI-da ka socotay ayaa bogaadisay dardargelinta, horumarinta iyo dib u casriyeynta hanaanka shaqo ee Ciidanka Booliska.

FBI-da Mareykanka ayaa qeyb ka ah hay’adaha Booliska Soomaaliya ka taageera la dagaalanka kooxaha argagixisada ah.

Saraakiishaan ayaa dhowaan soo gaalay magaalada Muqdisho, horay waxaa Muqdisho u yimid madaxa ugu sareeya sirdoonka Mareykanka, kaasi oo la kulmay Madaxweynaha iyo Agaasimaha Sirdoonka Soomaaliya.

Mareykanka ayaa kaalin muuqata ka qaata qorshaha amni ku soo dabaalidda iyo taageerada dowladda Soomaaliya, waxaana xusid mudan in doorweyn uu ka qaato dhismaha ciidamada Soomaaliya iyo dagaalka Khawaarijta.

Hadda isbedel weyn ayaa ka djacay Mareykanka waxaana maanta Madaxweyne dib loogu doortay Trump oo Soomaaliya, lamana saadaali karo siyaasadda uu ku wajihi doono arrimaha Soomaaliya.

Madaxweyne Xasan Sheekh, Madaxweynihii hore Farmaajo, Madaxweynaha Somaliland Muuse Biixi iyo inta badan madaxda Adduunka ayaa hambalyo u diray Madaxweynaha cusub ee Mareykanka Donald J. Trump.

The post Asad Diyaano oo Muqdisho kula kulmay saraakiil ka socota Sirdoonka Mareykanka (Sawirro) appeared first on Caasimada Online.