Diyaaradda Air France oo si deg deg ah u joojisay dulmarista badda Cas

[Deeq A.]

Diyaaradda Air France ayaa si deg deg ah u joojisay duulimaad ay ku dalmaraysay badda cas, kaddib markii duuliyayaasha diyaaradda ay sheegeen in ay arkeen wax iftiimaya oo jooga sare ee hawada ku socda.

Dhacdadaasi kaddib duulimaadyo kale ayaa soo sheegay inay ku qasbanaadeen inay dib uga laabtaan badda cas, iyadoo wararkii u horreysay ay sheegayaan in Xuutiyiinta ay gantaallo ballistic ah ku rideen, tallaabo loo qaaxay inay iskudayayaan sidii ay u joojin lahaayeen duulimaadka badda cas.

Ma jiro illaa hadda wax war ah oo dhacdadaan ay ka soo saareen Xuutiyiinta, mana cadda inay tani la xiriirto howlgal ay ku doonayaan inay Xuutiyiinta xiraan hawada badda cas oo saameyn ku yeelanaysa isku socodka hawada ee caalamka si ka badan xirnaashaha badda.

Arrintan waxay ku soo aadaysa xilli toddobaadkii hore laga maqlay hoggaamiyaha Xuutiyiinta , Cabdimaalik Al Xuuti inay billaabi doonaan wajiga shanaad howlgalka ay ku taageerrayaan Qasa oo uu marka ku sheegay waxyaabo cusub in lagu arki doono iyo awooddo horleh oo ay adeegsanayaan.

PUNTLAND POST

The post Diyaaradda Air France oo si deg deg ah u joojisay dulmarista badda Cas appeared first on Puntland Post.