𝗖𝗮𝗱𝗮𝗮𝗹𝗮𝗱 𝗶𝘆𝗼 𝗗𝗮𝗮𝗵 𝗙𝘂𝗿𝗻𝗮𝗮𝗻: 𝗕𝗮𝗹𝗹𝗮𝗻𝗾𝗮𝗮𝗱𝗸𝗮 𝗗𝗿. 𝗖𝗮𝗯𝗱𝗶𝗿𝗮𝘅𝗺𝗮𝗮𝗻 𝗖𝗶𝗿𝗿𝗼 𝗲𝗲 𝗗𝗶𝗯-𝘂-𝗵𝗮𝗯𝗮𝘆𝗻𝘁𝗮 𝗗𝗮𝘄𝗹𝗮𝗱𝗻𝗶𝗺𝗮𝗱𝗮

[Deeq A.]

𝗖𝗮𝗱𝗮𝗮𝗹𝗮𝗱 𝗶𝘆𝗼 𝗗𝗮𝗮𝗵 𝗙𝘂𝗿𝗻𝗮𝗮𝗻: 𝗕𝗮𝗹𝗹𝗮𝗻𝗾𝗮𝗮𝗱𝗸𝗮 𝗗𝗿. 𝗖𝗮𝗯𝗱𝗶𝗿𝗮𝘅𝗺𝗮𝗮𝗻 𝗖𝗶𝗿𝗿𝗼 𝗲𝗲 𝗗𝗶𝗯-𝘂-𝗵𝗮𝗯𝗮𝘆𝗻𝘁𝗮 𝗗𝗮𝘄𝗹𝗮𝗱𝗻𝗶𝗺𝗮𝗱𝗮

Bulsho kasta oo guulaysata, cadaalada, daah-furnaanta, iyo isla xisaabtanka ayaa ah tiirka dawladnimo. Mar haddii Somaliland ay ku sii dhawaanayso doorashadda madaxtinimo ee xasaasiga ah ee November 13, 2024, waxa lama huraan ah in la is weydiiyo hoggaamiyaha sida ugu habboon u fulin kara mabaadi’dan aasaasiga ah. Dr. Cabdiraxmaan Cirro, oo ah murashaxa madaxweyne ee xisbiga Waddani, waxa uu u taagan yahay halyeyga waaga cusub ee Somaliland—hogaamiye qiimeeya isla xisaabtanka, maamul wanaaga, iyo sinnaanta dadka oo dhan. Aragtidiisa sida ku cad tiirka 6-aad ee barnaamijka xisbiga Waddani, waxa uu si weyn uga duwan yahay guul-darrooyinka xukuumadda Madaxweyne Muuse Biixi, oo ay hadheeyeen hufnaan la’aan, adeegyadii bulshada oo kooban, iyo baabi’inta qiyamkii dimuqraadiyadda. Somaliland waxay u baahan tahay hoggaan si dhab ah ugu adeega shacabkeeda.

𝗕𝗮𝗹𝗹𝗮𝗻𝗾𝗮𝗮𝗱𝗸𝗮 𝗛𝘂𝗳𝗻𝗮𝗮𝗻𝘁𝗮 𝗶𝘆𝗼 𝗜𝘀𝗹𝗮 𝗫𝗶𝘀𝗮𝗮𝗯𝘁𝗮𝗻𝗸𝗮

Xisbiga Waddani ee uu hoggaamiyo Dr. Cirro, waxa uu hiigsanayaa sidii loo dhisi lahaa dawlad aan muwadiniinta mugdiga lagu hayn. Daah-furnaantu maaha mudnaan ee waa xaq. Xukuumadda Somaliland ee uu hoggaamiyo Madaxweyne Biixi, waxa ay marar badan ku shaqaynaysay nidaam qarsoodi iyo tahriibin ah, isla markaana aanay jirin isla xisaabtan iyo daahfurnaan. Wax is weydaarsiga iyo xidhiidhka dawladu waa mid madmadow badan, hogaankuna wuxuu inta badan ku guuldareystaa inuu uga jawaabo dadweynaha su’uaalaha ay u baahanyihiin iyo tabashooyinka.

Dr. Cirro iyo ku xigeenkiisa Amb. Maxamed Cali waxa ay ballan qaadayaan maamul hufan oo waxqabad kasta, siyaasad kasta iyo dhaqaale kastaa uu u furan yahay in shacabka lala wadaago. Waxay hiigsanayaan dawlad ka warqabta muwaadiniinta, kobcisa dareenka masuuliyadda iyo kalsoonida la wadaago.

𝗨 𝗕𝗶𝘅𝗶𝗻𝘁𝗮 𝗔𝗱𝗲𝗲𝗴𝘆𝗮𝗱𝗮 𝗗𝗮𝗱𝘄𝗲𝘆𝗻𝗮𝗵𝗮 𝗦𝗶𝗱𝗮 𝘂𝗴𝘂 𝗛𝗮𝗯𝗯𝗼𝗼𝗻

Hoggaanka wax-ku-oolka ah ayaa mudnaanta siiya daryeelka bulshada. Nasiib darro, maamulka Muuse Biixi, wuxuu ragaadiyay adeegyadii bulshada sida caafimaadka, waxbarashada, iyo kaabayaasha dhaqaalaha oo ay baabi’iyeen waxqabad la’aan iyo karti darro. Adeegyada muhiimka ah maaha kuwo ay heli karaan dad badan oo reer Somaliland ah, xitaa kaabayaasha aasaasiga ah ayaa xumaaday intii ay jirtay xukuumadda talada haysa.

Si kastaba ha ahaatee, Dr. Cirro, waxa uu qabaa in dawladnimadu ay u fududayso nolosha muwaadiniinta, ee aanay ku adkayn. Waxa uu ballan qaadayaa in uu dib u habayn ku samayn doono adeegyada bulshada si loo hubiyo in dadka reer Somaliland ay helaan adeegyo tayo sare leh oo wakhtigooda ku habboon. Aragtida Dr. Cirro, muwaadin kasta oo reer Somaliland ahi waa mudnaanta koowaad (In Dr. Cirro’s vision, every Somaliland citizen is a priority, not an afterthought).

𝗞𝘂-𝗱𝗵𝗮𝗾𝗮𝗻𝗸𝗮 𝗦𝗵𝗮𝗿𝗰𝗶𝗴𝗮 𝗲𝗲 𝗠𝘂𝘄𝗮𝗮𝗱𝗶𝗻 𝗸𝗮𝘀𝘁𝗮

Sareynta sharciga ayaa lama huraan u ah ilaalinta wada noolaanshaha bulshada iyo cadaalada. Waxaase murugo leh in mudadii uu xilka hayay Madaxweyne Biixi nidaamka sharcigu uu ahaa mid aan is waafaqsanayn oo cid gaar ah u eexday. Ku dhaqanka caddaaladda ee noocaas ah waxay wiiqaysaa kalsoonida ay muwaadiniintu ku qabaan dawladdooda.
Dr. Cirro waxa uu aaminsan yahay in qofna aanu ka sarreyn sharciga, caddaaladdana loo wada siman yahay. Xisbiga Waddani waxa uu ku nuuxnuuxsaday nidaam sharci oo cid kasta ugu adeegaya si aan eex lahayn, isaga oo abuuraya jawi ammaan ah oo muwaadin kasta oo reer Somaliland ahi uu dareemayo in la ilaalinayo lana qiimaynayo. Sida xikmad aan waqti lahayni sheegayso,”𝐶𝑎𝑑𝑑𝑎𝑎𝑙𝑎𝑑 𝑑𝑖𝑏 𝑢 𝑑ℎ𝑎𝑐𝑑𝑎𝑦 𝑤𝑎𝑎 𝑐𝑎𝑑𝑎𝑎𝑙𝑎𝑑 𝑙𝑎 𝑑𝑖𝑖𝑑𝑎𝑦.”Xukuumada Dr. Cirro waxay ku dadaalaysaa in cadaalada aan la fulin oo kaliya balse loo adeego si cadaalad ah oo aan dib loo dhigin ama dib u dhac lahayn.

𝗗𝗶𝗯-𝘂-𝗵𝗮𝗯𝗮𝘆𝗻𝘁𝗮 𝗚𝗮𝗿𝘀𝗼𝗼𝗿𝗸𝗮

Himilada koowaad ee xisbiga Waddani waxa ka mid ah dib u habaynta nidaamka garsoorka Somaliland. Intii uu madaxweyne Biixi talada hayay, waxa garsoorku la kulmay faragelin aan loo baahnayn iyo madax-banaani la’aan, taasoo caqabad ku noqotay in muwaadiniinta caadiga ah ay helaan dhegaysi cadaalad ah. Si caddaalad dhab ah loo helo, waa in garsoorku noqdaa mid madaxbannaan oo aan eex lahayn.

Dr. Cirro waxa uu balan qaaday in la samayn doono garsoor si madaxbanaan u shaqayn kara, isla markaana u cadaalad falaya dhamaan shacabka Somaliland. Xukuumaddiisu waxay mudnaan siin doontaa dib-u-habaynta garsoorka ee ilaalinaysa caddaaladda, taasoo u oggolaanaysa muwaadin kasta inuu helo caddaalad loo siman yahay, oo ka madax bannaan saamaynta dibadda. Dib-u-habayntaas ayaa xaqiijin doontaa in Somaliland ku sifowdo bulsho ay caddaaladi ka jirto.

𝗟𝗮 𝗗𝗮𝗴𝗮𝗮𝗹𝗮𝗻𝗸𝗮 𝗠𝘂𝘀𝘂𝗾-𝗺𝗮𝗮𝘀𝘂𝗾𝗮 𝘀𝗶 𝗱𝗮𝗮𝗰𝗮𝗱𝗻𝗶𝗺𝗼 𝗹𝗲𝗵

Musuqmaasuqu waa cudur naafeeya ummadaha, isaga oo ka gurta kheyraadka dadka aadka ugu baahan. Intii uu Muuse Biixi talada hayay waxa baahay musuq-maasuqa, kaas oo abuuray jawi lagu takri-falo hantida ummadda, danta shakhsigana laga hormariyo danta guud. Saamaynta musuqmaasuqa waxaa dareema qof walba, gaar ahaan kuwa nugul, kuwaas oo luminaya helitaanka adeegyada muhiimka ah.

Dr. Cirro waxa uu ballan-qaaday in aan loo dul-qaadan doonin musuq-maasuqa, dejinta siyaasado iyo hay’ado si firfircoon ula dagaallami doona dhaqamada musuqmaasuqa. Hadafka maamulkiisu waa in uu soo dhiso xukuumad tayo leh, shacabkana ugu adeegta si daacad ah.
Xukuumadda Dr. Cirro waxay hubin doontaa in daacadnimada iyo musuq la’aantu xaga sare ka soo bilaabanto oo ay heer kasta oo dawladnimo ka muuqato.

𝗜𝗹𝗮𝗮𝗹𝗶𝗻𝘁𝗮 𝗫𝘂𝗾𝘂𝘂𝗾𝗱𝗮 𝗔𝗮𝗱𝗮𝗻𝗮𝗵𝗮

Dawladdu waa in ay ilaalisaa dadkeeda, iyada oo hubinaysa in dhammaan dadkeedu, iyada oo aan loo eegin meeqaamkooda, ay dareemaan qiimeyn iyo ammaan. Maamulka Madaxweyne Biixi ayaa lagu eedeeyaa inuu iska indho tiray xuquuqul insaanka, dadka jilicsan aan la ilaalin, cadaaladda bulshadana aan waxba laga qaban.

Dr. Cirro, waxa uu aaminsan yahay Somaliland oo xuquuqal insaanka la ilaaliyo, korna loo qaado. Dawladdiisu waxay diiradda saari doontaa siyaasadaha ilaalinaya sharafta iyo sinnaanta dhammaan muwaadiniinta, hubinta in la ilaaliyo xuquuqda dadka la haybsooco. Aragtida Waddani waa dawlad abuurta bulsho loo wada dhan yahay oo qof kastaa, maqaam iyo meeqaam uu doono ha noqdee, cod iyo mawqif ku dhex leh bulshada dhexdeeda.

𝗠𝗮𝗮𝗺𝘂𝗹 𝗟𝗼𝗼 𝗗𝗵𝗮𝗻 𝗬𝗮𝗵𝗮𝘆

Dimoqraadiyadda dhabta ahi waa mid loo dhan yahay, soo dhawaynaysa dhammaan codadka iyo aragtida. Intii uu madaxweyne Biixi talada hayay, waxa ay beelo badan dareemeen in laga reebay hab-raacyada go’aan qaadashada, gaar ahaan kuwa la haybsooco iyo kuwa laga tirada badan yahay. Habkani wuxuu kobciyaa kala qaybsanaan iyo kalsooni darro.

Xisbiga Waddani waxa uu ku nuuxnuuxsaday maamul loo dhan yahay, kaas oo muwaadin kasta oo Soomaalilander ah uu qayb ku leeyahay mustaqbalka qaranka. Xukuumadda Dr. Cirro waxay xaqiijinaysaa in bulsho kastaa ay ka dhex muuqato horumarka qaranka, iyadoo awood u siinaysa shakhsiyaadka kala duwan ee ka soo jeeda inay ka qayb qaataan horumarka Somaliland.”𝐺𝑢𝑟𝑖 𝑘𝑎𝑙𝑎 𝑞𝑎𝑦𝑏𝑠𝑎𝑛𝑎𝑎𝑛 𝑚𝑎 𝑡𝑎𝑎𝑔𝑛𝑎𝑎𝑛 𝑘𝑎𝑟𝑜” waa maahmaah ingiriisi ah. Hoggaanka Dr. Cirro waxa uu ballan-qaadayaa Somaliland oo midaysan, oo muwaadin kastaa dareemayo in la maqlo, laguna qiimeeyo.

𝗛𝗼𝗿𝘂𝗺𝗮𝗿𝗶𝗻𝘁𝗮 𝗗𝗶𝗺𝘂𝗾𝗿𝗮𝗮𝗱𝗶𝘆𝗮𝗱𝗱𝗮 𝗶𝘆𝗼 𝗞𝗮-𝗾𝗮𝘆𝗯𝗴𝗮𝗹𝗸𝗮 𝗕𝘂𝗹𝘀𝗵𝗮𝗱𝗮

Xisbiga Waddani waxa uu dhisi doonaa dawlad dhawrta qiyamka dimuqraadiga ah, si ka duwan maamulka hadda jira, ee wiiqay hay’adihii dimuquraadiga ahaa, xuquuqdii siyaasadeedna duudsiyay. Dr. Cirro waxa uu soo celin doonaa mabaadi’daas, xoojinta hababka dimuqraadiyadda iyo dhiirigelinta ka qaybgalka firfircoon ee bulshada.

Mujtamaca ay dimoqraadiyadu ku horumarto, muwaadiniintu waxay wax ku leeyihiin dawladnimadooda, iyaga oo qaata go’aanno qaabeeya mustaqbalkooda. Xukuumadda Dr. Cirro waxay kobcin doontaa dhaqanka dimuquraadiyadda, iyadoo qiimaynaysa qof kasta oo muwaadin ah, isla markaana ilaalinaysa xuquuqdiisa xoriyatul-qawlka iyo isu-tagga. Hoggaaminta Dr. Cirro wuxuu xaqiijin doonaa in dimuqraadiyadda Somaliland ay ahaato mid xooggan oo adkaysi leh.

𝗖𝘂𝗴𝗮𝘀𝗵𝗮𝗱𝗮 𝗖𝗼𝗱𝗸𝗮 𝗠𝘂𝘀𝘁𝗮𝗾𝗯𝗮𝗹𝗸𝗮 𝗶𝘆𝗼 𝗕𝗮𝗱𝗯𝗮𝗮𝗱𝗶𝗻𝘁𝗮

Somaliland waxa ku soo fool leh doorashadii Madaxtooyada, doorashaduna way caddahay. Dr. Cabdiraxmaan Cirro iyo xisbiga Waddani waxay u taagan yihiin mustaqbal dawladnimo ku dhisan cadaalad, hufnaan, isla xisaabtan, sida ku cad tiirka 6aad ee barnaamijkooda. Taas beddelkeeda, hoggaanka Muuse Biixi wuu ku guul-darraystay inuu dhawro mabaadi’daas, taas oo Somaliland u baahan tahay dib-u-habayn iyo dib-u-noolayn. Dr. Cirro oo hogaanka u qabta Somaliland waxa ay sugi kartaa dawlad si dhab ah ugu adeegta shacabkeeda, abuurta bulsho cadaalad, sinnaan iyo daacadnimo ku dhisan.

Noofambar 13, 2024, dadka reer Somaliland waxay fursad u haystaan inay u codeeyaan hoggaamiye aan ka hadli doonin isbeddelka oo kaliya ee keeni doona isbeddel dhab ah. Xikmad ingiriisi ah ayaa tidhaahda “𝐷𝑎𝑤𝑙𝑎𝑑-𝑤𝑎𝑛𝑎𝑎𝑔𝑔𝑢 𝑚𝑎𝑎ℎ𝑎 𝑢𝑢𝑛 𝑑𝑜𝑜𝑟𝑎𝑠ℎ𝑜; 𝑤𝑎𝑎 𝑤𝑎𝑑𝑑𝑎𝑑𝑎 𝑘𝑎𝑙𝑖𝑦𝑎 𝑒𝑒 𝑙𝑎𝑔𝑢 𝑔𝑎𝑎𝑑ℎ𝑖 𝑘𝑎𝑟𝑜 𝑛𝑎𝑏𝑎𝑑 𝑤𝑎𝑎𝑟𝑡𝑎 𝑖𝑦𝑜 ℎ𝑜𝑟𝑢𝑚𝑎𝑟.” Hoggaanka Dr. Cirro waxa uu si dhab ah u beeri doonaa midhihii dawladnimo iyo caddaaladda, si loo xaqiijiyo in Somaliland u magoosho qaran qof kasta oo muwaadin ahi ku horumaro.

Dr. Cabdiraxmaan Cirro iyo Xisbiga Waddani markaad codkaaga siisid waxaad dooranaysaa dawlad qiimaysa hufnaan, isla-xisaabtan, iyo cadaalad. Waa codka mustaqbalka oo loogu hiilinayo badbaadada iyo horumarka Somaliland.

𝗕𝘆 𝗔𝗯𝗱𝗶 𝗛𝗮𝗹𝗶𝗺 𝗠 𝗠𝘂𝘀𝗮
Xoghayaha Xidhiidhka Dadweynaha ee Xisbiga Waddani E-mail:halimusa4@gmail.com
Borama, Gobolka Awdal, Jamh. Somaliland
𝟮𝗱𝗮 𝗡𝗼𝘃𝗲𝗺𝗯𝗲𝗿 𝟮𝟬𝟮𝟰
/

Qaran News