Baarlamaanka Soomaaliya oo cod aqlabiyad leh ku ansixiyay codsigii Madaxweyne Xasan Sheekh

[Deeq A.]

Xildhibaannada labada Aqal ee Baarlamaanka Soomaaliya ayaa si aqlabiyad leh u ansixiyay codsiga Madaxweynaha, kaas oo ku saabsan in muddo bil ah dib loo dhigo fasaxa Baarlamaanka.

Tani waxay ka mid tahay dadaallada lagu xaqiijinayo in dalka lagu sameeyo doorasho qof iyo cod ah, iyadoo la doonayo in la ansixiyo shuruuc muhiim ah oo nidaamka doorashada ka dhigi kara mid hufan.

Madaxweynaha Soomaaliya, oo khudbad u jeediyay Baarlamaanka, ayaa si cad u sheegay in dib u dhigidda fasaxa Baarlamaanka ay lagama maarmaan tahay si loo helo sharciyada ku habboon ee doorashooyinka.

Waxuu xusay in waqtiga la heli karo uu muhiim u yahay in la dhameystiro sharciyada lagu dhaqmi doono, isla markaana lagu hubin doono in doorashooyinka ay ku dhacaan si cadaalad ah oo loo dhan yahay.

Xildhibaanada, ayaa inta badan taageersan codsiga Madaxweynaha, iyagoo u arka in arrimahan muhiim ay tahay in laga shaqeeyo si loo xaqiijiyo mustaqbalka siyaasadeed ee dalka.

Tani waxay ka dhigan tahay in Soomaaliya ay ka shaqaynayso dhisidda nidaam doorasho oo cadaalad ah, kaas oo loo baahan yahay si loo xoojiyo dimuqraadiyadda iyo in shacabka Soomaaliyeed ay helaan fursado siman oo ay ku codsadaan.

Source: goobjoog.com