Israa’iil oo Marinka Gaza iyo Lubnaan ku dishay in ka badan 100 ruux

[Deeq A.]

Duqeymaha cirka ee Israa’iil ayaa lagu dilay ugu yaraan 95 qof guud ahaan Gaza Khamiistii.

Inta badan dhibanayaasha ayaa ahaa dad rayid ah oo ku sugnaa waqooyiga go’doonsan ee deegaankaas, sida ay ilo-wareedyo caafimaad u sheegeen Al Jazeera.

Caasimadda Lubnaan ee Beirut waxaa habeenimadii xalay lagu garaacay ugu yaraan 10 weerar oo cirka ah oo ay ka dambeeyaan Israa’iil,waxaana la soo sheegayaa in ay jirasasn khasaarooyin kala duwan.

Dhinaca kalw,Qaramada Midoobay ayaa sheegtay in saacadihii u dambeeyay ciidamada Israa’iil ay beegsadeen nidaamka caafimaadka ee Gaza iyo bartilmaameedyo kale oo Lubnaan ah.

Warbixinta cusub ee Qaramada Midoobay ayaa sheegaysa in Israa’iil ay samaysay siyaasad wadajir ah oo lagu burburinayo nidaamka daryeelka caafimaadka ee Gaza oo ay ku jiraan weerarrada ula kac ah ee lagu qaadayo shaqaalaha caalamiga ah iyo  xarumaha caafimaadka.

Afar shaqaale ajnabi ah iyo saddex Israa’iili ah ayaa lagu dilay gantaallo kala duwan oo ay Xisbullah ku garaaceen waqooyiga Israa’iil, taasoo ah maalintii ugu dhimashada badneyd muddo bilo ah.

Qaza waxa lagu dilay ugu yaraan 43,204 falastiiniyiin ah iyo dhaawaca 101,641,halka gudaha Lubnaan lagu dilay ugu yaraan 2,865 qof dhaawacana uu gaarayo 13,047.

PUNTLAND POST

The post Israa’iil oo Marinka Gaza iyo Lubnaan ku dishay in ka badan 100 ruux appeared first on Puntland Post.