Xiisad dagaal iyo iska hor imaadyo hubaysan oo ka dhex bilowday SSC iyo Somaliland

[Deeq A.]

Xiisad colaadeed oo u dhexaysa SSC-khaatumo iyo Somaliland ayaa maalmahan ka taagan jiidda degaanka Qorilugud oo ka tirsan gobolka Togdheer.

Ciidamada labada dhinac ayaa shalay iyo saaka iska hor imaad hubaysan ku dhexmaray inta u dhexaysa Shangeed iyo balliga Galgal ee nawaaxiga degaanka Qorilugud sida ay wararku sheegayaan.

Khasaare dhimasho iyo dhaawacba leh ayaa lagu soo warramaya in uu sababay iska hor imaadka soo noq noqday ee ka dhacay inta u dhexaysa Shangeed iyo balliga Galgal kaasi oo dhexmaray ciidamada SSC iyo kuwa Somaliland.

Sidoo kale dhaq dhaqaaqyo ciidan ayaa saaka laga dareemaya jiidda dhinaca Nugaasha ah oo ay isku horfadhiyaan ciidamada labada dhinac waxaana xaaladdani ku soo beegan tahay iyadoo ay mudda 12 cisho ah ka harsan tahay doorashada Somaliland ee la qorsheeyay in ay qabsoonto 13 November.

PUNTLAND POST

The post Xiisad dagaal iyo iska hor imaadyo hubaysan oo ka dhex bilowday SSC iyo Somaliland appeared first on Puntland Post.