Taliyaha Booliska oo dhagax-dhigey xarunta ciidanka la dagaallanka argagixisada

[Deeq A.]

Taliyaha Ciidanka Boliiska Soomaaliyeed, Sareeye Guuto Asad Cismaan Cabdullaahi, ayaa dhagax dhigay xerada cusub ee Ciidanka La Dagaalanka Argagixisada ee Galeyr.

Dhismaha Xeradan ayaa loogu talo-galay in lagu tababaro ciidamada gaarka ah ee booliska Soomaaliya, kuwaas oo loo diyaarinayo inay qaadaan howlgallo adag oo lagu xaqiijinayo bedqabka bulshada iyo nabad-gelyada dalka.

Xeradan cusub ayaa astaan u ah dadaalka lagu xoojinayo awoodda iyo tayada Ciidanka Boliiska Soomaaliyeed, si ay awood ugu yeeshaan ka hortagga iyo la dagaallanka falalka argagixisada, sida lagu sheegay war uu soo saaray taliska boolisku.

Source: goobjoog.com