Xisbullah oo wacad ku maray in ay kordhinayaan dagaalka ka dhanka ah Israa’iil

[Deeq A.]

Ururka Xisbullah ayaa wacad ku maray in uu kordhin doono dagaalka ay kula jirto Israa’iil, maalin uun ka dib markii ciidamada Israa’il ay sheegeen in ay dileen hoggaamiyihii Xamaas Yahya Sinwar, 

Bayaan kasoo baxay Xisbullah, ayay iyaga oo aanan soo hadal qaadin dilka Sinwar ku dhawaaqeen in ay u gudbeen marxalad cusub oo kor u qaadaysa iska horimaadyada ay kala soo horjeedaan Israa’iil, kaas oo ay sheegeen in uu ka muuqan doono dhacdooyinka maalmaha soo socda.

Israa’iil ayaa Khamiisti sheegtay, in si lama filaan ah ay ciidamadooda ka dagaallamaya Gaza ay dileen Sinwaar. Waxay sheegeen in aysan ka warqabin goobta uu joogay. Milatariga Israa’iil ayaa sheegay in marki la dilayay Sinwaar ay isaga iyo laba nin oo kale oo la socotay ay si lama filaan ah loogu arkay dhismo ku yaalla Koofurta Gaza.

Xamaas waxay xaqiijisay dilka Sinwaar. Khudbad laga baahiyay telefishannada ayuu madaxa Xamaas ee Gaza Khalil Al Xayya ku xaqiijiyay dilka hoggaamiyahoodii. Isaga oo ku tilmaamay geesi si sugan u sagaallamay oo ku dhintay shahiidnimo.

PUNTLAND POST

The post Xisbullah oo wacad ku maray in ay kordhinayaan dagaalka ka dhanka ah Israa’iil appeared first on Puntland Post.