Israa’iil oo saaka duqaysay nawaaxiga xarunta Baarlamaanka dalka Lubnaan

[Deeq A.]

Israa’iil ayaa aroornimadi hore ee saaka oo Khamiisa duqeysay batamaha magaalada Beyrut ee caasimadda Lubnaan, duqeymahaas oo la xaqiijiyay in lagu dilay ugu yaraan lix qof.

Duqeynta ayaa timid saacado kaddib marki ay ciidamada Israa’iil ee galay Koofurta Lubnan ay la kulmeen khasaarihi ugu cuslaa  kaddib marki uu millatariga Israa’il shalay sheegay in dagaalka Lubnan looga dilay 8 askari oo uu ku jiray sarkaal sare.

Israa’iil waxay sheegtay in ay xalay saqdi dhexe kaddib duqeysay bartilmaameedyo ku yaalla Beyrut. Goob joogayaal ayaa u sheegay wakaaladda wararka ee Reuters in ay maqleen daryanka madaafiic culus.

Ilo wareedyo dhanka amniga ah ayaa xaqiijiyay in meelaha la garaacay uu ku jiro dhisme ku yaalla xaafadda Bachoura oo aad ugu dhaw aqalka baarlamaanka, waana marki ugu horreysay ee ay duqeymaha cirka ah ee Isra’il u soo gaaraan agagaarka xarumaha dowladda Lubnan.

PUNTLAND POST

The post Israa’iil oo saaka duqaysay nawaaxiga xarunta Baarlamaanka dalka Lubnaan appeared first on Puntland Post.