Sawirro: Xamza iyo Madaale oo booqday qoyskii ugaaska Murusade ee geeriyooday

[Deeq A.]

Muqdisho (Caasimada Online) – Ra’iisul Wasaaraha XFS Xamza Cabdi Barre ayaa booqasho ugu tagay qoyska Allaha u naxariistee Ugaas Cabdullaahi Ugaas Xaashi (Fara-Cade), si uu ula qeybsado xanuunka geerida.

Ra’iisul Wasaare Xamza ayaa tilmaamay in Alle ha u naxariistee Ugaas Cabdullaahi Ugaas Xaashi uu ahaa astaan iyo tiir weyn oo dhaqan, door muhiim ahna ka qaatay nabadeynta, isku xirka iyo horumarinta bulshada Soomaaliyeed.

Sidoo kale, guddoomiyaha gobolka Banaadir ahna Duqa Magaalada Muqdisho Yuusuf Madaale ayaa isna tacsi ugu tagay qoyska Allaha u naxariistee Ugaas Cabdullaahi Ugaas Xaashi (Fara-Cade) oo ahaa Ugaaska Murusade.

Duqa Muqdisho ayaa ku tilmaamay Marxuumka in uu ahaa astaan iyo tiir weyn oo door ku lahaa dhaqanka Soomaaliya, isla markaana kasoo qeyb qaatay nabadeynta, isku xirka bulshada iyo dowlad-dhiska Soomaaliya.

Allaha u naxariistee Ugaas Cabdullaahi Ugaas Xaashi Ugaas Faracadde ayaa Jimcihii ku geeriyooday magaalada barakeysan ee Makkah Al-Mukarramah ee dalka Sacuudi Carabiya.

Ugaas Cabdullaahi Faracadde oo ahaa Ugaaska Beesha Murusade ayaa door weyn kasoo qaatay nabadeynta iyo dowlad dhiska, iyada oo si mug leh loo xusay doorkii Ugaaska uu ka qaatay nabadeynta iyo dib u heshiisiinta bulshada Soomaaliyeed.

Ugaaska oo ka mid ahaa duubabka dhaqanka Soomaaliyeed ee facaweyn, ayaa lagu xasuusta sidii uu mudada dheer kaalin wax ku ool ah uga soo qaatay nabadda, midnimada iyo dowlad-dhiska Soomaaliyeed.

The post Sawirro: Xamza iyo Madaale oo booqday qoyskii ugaaska Murusade ee geeriyooday appeared first on Caasimada Online.