Madaxweynaha waddanka Senegal oo kala diray Baarlamaankii dalkaasi

[Deeq A.]

Madaxweynaha Senegal, Bassirou Diomaye Faye, ayaa kala diray baarlamaankii dalkaas oo u badnaa xisbiyada mucaaradka, ka dib muddo shan bilood ah oo uu xafiiska hayay.

Talaabadan ka dib ayaa madaxweynaha waxa uu fursad u heli doonaa in uu qabto doorashada, halkaas oo uu ku yeelan karo tiro badan oo xildhibaano ah sida ay sheegayaan warbaahinta dalkaas.

Waxaa la sheegay in go’aanka lagu kala diray baarlamaanka uu ahaa mid ay ansixiyeen baarlamaanka qudhiisu, wuxuuna u adeegsaday qodobka 87-aad ee dastuurka oo u ogolaanaya madaxweynaha inuu kala diro baarlamaanka kadib markii uu la tashaday madaxda sare ee dowladda.

Faye ayaa difaacay go’aankiisa, isagoo sheegay in xubnaha baarlamaanka “aysan ilaalinayn danaha muwaadiniinta Senegal.”Xildhibaanada ayuu ku dhaliilay in ay ka biyo diideen in ay ka doodaan Miisaaniyada dalka.

17-ka bisha November ayaa lagu wadaa in la qabto doorashada xubnaha baarlamaanka cusub.

PUNTLAND POST

The post Madaxweynaha waddanka Senegal oo kala diray Baarlamaankii dalkaasi appeared first on Puntland Post.