Dagaal beeleed xooggan oo saaka ka socda nawaaxiga degmada Towfiiq ee gobolka Mudug

[Deeq A.]

Dagaal xooggan ayaa aroornimadii hore ee saaka ka bilowday degaanka Buq oo wax yar u jira degmada Towfiiq ee Gobolka Mudug.

Dagaalka oo u dhexeeya laba mileeshiyo beeleed ayaa weli soconaya waxaana laga soo sheegaya khasaare isugu jira dhimasho iyo dhaawac kala gaaray labada dhinac.

Dagaalka ayaa daba socday iska hor imaad khasaare geystay oo shalay labada beelood ku dhexmaray degaanka hadda lagu dagaallamayo sida ay sheegayaan dadka degaanka.

Ugu yaraan 10 ruux oo kamid ah dhinacyada dirirtu u dhexayso ayaa ku dhintay dagaalka oo weli socda halka in ka badan 20 kalena ku dhaawacmeen.

Marar kala duwan ayaa la isku dayay in waan-waan nabadeed lagu xalliyo colaadda labada beelood oo soo noq-noqotay balse ilaa iyo hadda laguma guulaysan dadaalladii socday.

PUNTLAND POST

The post Dagaal beeleed xooggan oo saaka ka socda nawaaxiga degmada Towfiiq ee gobolka Mudug appeared first on Puntland Post.