Shaqa joojin guud oo lagaga dhawaaqay Israa’iil iyo dibad-baxyo ka socda

[Deeq A.]

Gudaha Israa’iil ayaa lagu baaqay shaqo joojin guud iyadoo ay wali socdaan dibad-baxyada looga soo horjeedo waxaa loo arko in dowladdu ku guul-darraysatay inay sii deyso la haystayaasha gacanka ugu jira Xamaas.

Xiisadda ayaa cirka isku shareertay tan iyo markii sabtidii ay ciidamadu soo saareen meydadka lix qof oo la qafaashay, taasoo keentay caro dadweyne.

Dadka isku soo baxay guud ahaan Israa’iil ayaa ku eedeeyay Ra’iisul Wasaare Benjamin Netanyahu iyo dowladdiisa inaysan wax ku filan ka sameynin in heshiis laga gaaro la haystayaasha haray ee Xamaas ay qafaasheen weerarkii 7-dii Oktoobar.

Baaqa shaqoojinta oo ah hal maaalin oo bilaamanaya maanta oo isniin ah waxaa soo saaray ururka shaqaalaha ee ugu weyn Israa’iil, ee la yiraahdo Histadrut, kaas oo hogaamiyahiisa, Arnon Bar-David, uu sheegay in waddanku uu helayo Maydad halkii heshiisyo la gaari lahaa

Maamulka Israa’iil ayaa si caro leh uga jawaabay tallaabada ururkaasi, iyadoo wasiirka maaliyadda ee midigta fog Bezalel Smotrich, uu ku eedeeyay in ay ku ciyaareyso gacanta Xamaas.

PUNTLAND POST

The post Shaqa joojin guud oo lagaga dhawaaqay Israa’iil iyo dibad-baxyo ka socda appeared first on Puntland Post.