Ukraine oo sheegtay in ay soo riday in ka badan 60 diyaaradood oo aan duuliye lahayn

[Deeq A.]

Ukraine ayaa sheegtay in ay soo ridday laba gantaal iyo 60 diyaaradood oo aan duuliye lahayn kadib weerar habeenimo oo ka dhacay sagaal gobol, talaabadan ayaa timid kadib markii Ruushku uu kordhiyay weerarka uu ku hayo kaabayaasha tamarta ee Ukraine horaantii toddobaadkan.

Ukraine waxay burburisay 60 ka mid ah 74 ka mid ah diyaaradaha aan duuliyaha lahayn ee Ruushku soo riday iyo laba ka mid ah shanta gantaal. Ciidamada cirka ayaa sheegay in ay waayeen 14 diyaaradood oo kale, kuwaas oo loo badinayo in ay ku soo dhaceen dhulka Ukraine.

Ilaa 15 diyaaradood oo aan duuliyaha lahayn oo Ruushku bilaabay weerarkii saddexaad ee ay ku qaadeen caasimadda Ukraine afar maalmood gudahood ayaan gaadhin bartilmaameedkoodii, Serhiy Popko, oo ah madaxa maamulka militariga Kyiv, ayaa sheegay sidaasi.

Burburka diyaarada Drone-ka ayaa waxyeelo u geystay dariishadaha iyo albaabada dhismo dabaq ah waxayna sababeen dab ka kacay dhismo aan deganayn oo la damiyay, ayuu Popko ku yiri hadal uu soo saaray kadib duqeymihii ugu dambeeyay ee diyaaradaha Russia ay ku qaadeen Ukraine, kuwaas oo inta badan ahaa habeenimo.

PUNTLAND POST

The post Ukraine oo sheegtay in ay soo riday in ka badan 60 diyaaradood oo aan duuliye lahayn appeared first on Puntland Post.