Xiisad colaadeed oo saaka ka aloosan Ceerigaabo kadib dilal halkaasi ka dhacay

[Deeq A.]

Wararka ka imaanaya magaalada Ceerigaabo ee xarunta Gobolka Sanaag ayaa sheegaya in saaka halkaasi ay ka taagan tahay xiisad dagaal oo xooggan.

Xaalad kacsanaan ah iyo dhaq dhaqaaqyo ciidan ayaa laga dareemaya guud ahaan xaafadaha Ceerigaabo kadib markii halkaasi ay ka dhaceen dilal kala duwan sida ay sheegayaan goob-joogayal.

Ganacsade caan ah oo lagu magacaabi jiray Cumar Sanjocor ayaa kamid ah dadka saacadihii u danbeeyay lagu dilay Ceerigaabo waxaana wararku sheegayaan in loo dilay aano qabiil oo daba socota dilalkii hore.

Maamulka SSC-khaatumo oo xalay War-saxaafadeed ka soo saaray colaadda ka curatay magaalada Ceerigaabo ayaa Madaxweynaha Somaliland Muuse Biixi ku eedeeyay in uu colaad ka hurinayo degaanka islamarkaana mas’uuliyadeeda qaadayo wixii dhaca.

PUNTLAND POST

The post Xiisad colaadeed oo saaka ka aloosan Ceerigaabo kadib dilal halkaasi ka dhacay appeared first on Puntland Post.