Ciidamada Puntland oo gacanta ku dhigay diyaarado loo adeegsado fulinta qaraxyada culus

[Deeq A.]

Ciidamada Amniga dowladda Puntland ayaa laga soo xigtay in ay gacanta ku dhigeen 5 diyaaradood oo nooca Drones-ka loo yaqaan ah islamarkaana loo adeegsado in ay xambaaraan xaddi qaraxyada aad u culus ah.

Laanta Af-Soomaliga BBC-da ayaa ka soo xigatay sarkaal ka tirsan Ciidamada Puntland in ay gacanta ku dhigeen 5 diyaaradood oo nooca is wada ee lagu magacaabo Kamikaze kuwaasi oo loo adeegsado fulinta qaraxyada.

Dayaaradahaas bilaa duuliyaha ah oo Yemen aad looga isticmaalo ayaa la aaminsan yahay in Puntland ay ka soo galeen dhanka magaalada Boosaaso waxaana xilliga la qabanayey loo sii waday dhinaca koonfurta Soomaaliya.

Sarkaalkaasi ka tirsan Ciidamada Puntland ayaa sidoo kale laga soo xigtay in ay gacanta ku hayaan shakhsiyaad lagu tuhun san yahay in ay ku lug leeyihiin soo rarista drones-ka qaraxyada xambaara ee la qabtay islamarkaana lagu hayo baaritaan.

PUNTLAND POST

The post Ciidamada Puntland oo gacanta ku dhigay diyaarado loo adeegsado fulinta qaraxyada culus appeared first on Puntland Post.