Kooxda Xisbullah oo Saaka la kulantay Fashil Sirdoon oo guul-darro u dhaweeyay Weerarkii ay u qorshaynayeen Israa’iil

[Deeq A.]

Kooxda Xisbullah ayaa saaka la kulantay fashil sirdoonka oo ku dhaweeyay guul-darro, kadib markii ka hor weerarka ay qorsheeyaan in ay ku qaadaan 5 subaxnimo Israa’iil ay la kulmeen weerar weyn oo uga yimid dhinaca Israa’iil oo iskaashi sirdoonka iyo howlgal ka helaysa Mareykanka.

Israa’iil iyo Maraykanka Waxay kiciyeen in ka badan 100 diyaaradood oo gaaracay goobaha Xisbullah inta uusan billaaban weerar kooxda , markaa oo ay si dhammeystiran u duqeeyee gobolka koonfurta Lubnaan. Saraakiisha Mareykanka iyo Israa’iil ayaa sheegay inay heleen sirdoonka sax ah oo ay ku xaqiijiyeen diyaar garowga weerarka 24 saac ka hor xilliga la qorsheeyay, markaasi oo ay duullaan xooggan ku qaadeen illaa 40 goobood oo ku yaalla gudaha Lubnaan.

Maraykanka iyo Israa’iil waxay goobahaasi ku sheegeen in ay ahaayeen saldhigyada ugu muhiimsan Xisbullah ee lagu diyaariyay gantaallada riddada dheer ee ay Xisbullah doonaysay inay ku weerarto Tel Aviv iyo goobaha kale ee muhiimka ah ee gudaha Israa’iil, balse kumannaan gantaal ayaa lagu garacay goobaha ka hor inta uusan weerarka Xisbullah billaaban, sida u sheegay Afhayeenka ciidanka Israa’iil, Daniel Hagari.

Wasiirka Difaaca Israa’iil, Yoav Gallant ayaa ku dhawaaqay xaalad degdeg ah gudaha Israa’iil 48 saacadood ee soo socda, iyadoo Maraykanku uu ku dhawaaqay inuu sii wadi doono taageerada Israa’iil ee xaqa ay u leedahay wax uu ku sheegay in ay is difaacdo.

Garoonka diyaaradaha Tel Aviv ee Ben Gurion ayaa muddo kooban hakiyay duulimaadyadii ka dib markii Israa’iil ay ku dhawaaqday weerarkeeda balse waxa uu dib shaqada u billaabay 7 subaxnimo.

PUNTLAND POST

The post Kooxda Xisbullah oo Saaka la kulantay Fashil Sirdoon oo guul-darro u dhaweeyay Weerarkii ay u qorshaynayeen Israa’iil appeared first on Puntland Post.