Dowladda Soomaaliya oo Shirkadaha Lacag dirista ku amartay in ay joojiyaan adeegsiga magaca Somaliland

[Deeq A.]

Dowladda Federaalka Soomaaliya ayaa dhammaan Xawaadaha iyo Shirkadaha kale ee lacag dirista ku wargelisay in ay joojiyaan adeegsiga magaca Somaliland.

Qoraal ka soo baxay Xafiiska Wasiirka Ganacsiga Soomaaliya ayaa lagu amray dhammaan Xawaadaha iyo Shirkadaha kale ee lacag dirista in ay website-yadooda ka saaraan magaca Somaliland.

Go’aanka ka soo baxay dowladda Soomaaliya ayaa sidoo kale shirkadahaasi ku amray in ay isticmaalaan magaca Soomaaliya halkii ay ka adeegsan lahaayeen magaca Somaliland si loo ilaaliyo wadajirka iyo midnimada Soomaaliya.

Dowladda Soomaaliya waxay ku hanjabtay in xawaalad kasta iyo shirkaddii aan u hoggaansamin go’aankaasi loo tixgelin doono mid ku xad-gudubtay madax-bannaanida dalka islamarkaana sharciga lala tiigsan doono.

Halkan ka akhriso go’aanka dowladda

PUNTLAND POST

The post Dowladda Soomaaliya oo Shirkadaha Lacag dirista ku amartay in ay joojiyaan adeegsiga magaca Somaliland appeared first on Puntland Post.