Cabdiraxmaan Xirsi faarax oo loo doortay duqa cusub ee degmada Xarfo

[Deeq A.]

Cabdiraxmaan Xirsi faarax oo loo doortay guddoomiyaha golaha deegaanka, ahna duqa cusub ee degmada Xarfo.

Doorashadii duqa degmada Xarfo ayaa goordhaweyd soo dhammaatay, kadib markii musharraxiin dhawr ahi ay u tartameen xilkaasi guddoomiyaha degmada Xarfo.

Guddoomiyaha ay doorteen golaha degaanka ee degmada Xarfo oo noqonaya duqa degmadaasi ayaa codad door kaga guulaystay musharraxii kula tartamayey duqa, ayna u soo wada gudbeen wareegga labaad.

Caabdiraxmaan Xirsi Faarax oo ka tirsan xisbiga KAAH ayaa qeyb ka ahaa maamulka Xarfo ilaa intii ay ahayd degmada noqotay waxaana xisbiga Kaah uu markiiba ugu hambalyeeyay guushiisa doorashada degmada.

“Wuxuu si gaar ah Xisbiga KAAH hanbalyo ugu dirayaa Gudoomiyaha lagu doortay codka iyo sanduuqa ee Golaha Degaanka Degmada Xarfo Mudane C/raxmaan Xirsi Faarax, waxaan u rajeyneynaa guul iyo horumar in uu gaarsiiyo degmada” ayaa lagu yiri qoraal ka soo baxay xisbiga Kaah.

PUNTLAND POST

The post Cabdiraxmaan Xirsi faarax oo loo doortay duqa cusub ee degmada Xarfo appeared first on Puntland Post.