Saddex qof oo xalay toorrey lagu dilay xaflad ka socotay magaalo ku taalla dalka Jarmalka

[Deeq A.]

Booliska Jarmalka ayaa sheegay, in ugu yaraan saddex qof ay ku dhinteen afar kalana ay soo gaareen dhaawacyo halis ah, kaddib markii nin ku hubaysnaa toorreey uu weeraray goob ay ka socotay xaflad dabaaldag ah oo ku taalla magaalada Solingen ee galbeedka Jarmalka.

Qoraal kasoo baxay Booliska oo lagu faafiyay baraha bulshada iyo warbaahinta maxalliga ah ayaa lagu sheegay, in xalay abbaaro 10-ki fiidnimo uu hal nin oo aanan weli la aqoonsan uu dhawr qof ku middiyeeyay meel lagu caweeynayay, isla markaana uu ninkaasi weli baxsad yahay.

Boolisku waxay sheegeen in weerarka lala beegsaday dad ka qeybgalaya dabaaldagga xusbka sannad-guurada 650-aad ee kasoo wareegtay aas aaska magaalada Solingen oo ku taalla gobolka ugu dadka badan Jarmalka ee North Rhine-Westphalia, kaas oo dhaca xadka Jarmalka ee dalka Netherlands.

PUNTLAND POST

The post Saddex qof oo xalay toorrey lagu dilay xaflad ka socotay magaalo ku taalla dalka Jarmalka appeared first on Puntland Post.