Puntland oo shaacisay magacyada 10 xukmane oo saaka lagu toogtay Gaalkacyo kadib markii lagu helay Shabaabnimo

[Deeq A.]

Taliska Ciidanka Booliska dowladda Puntland ayaa si rasmi ah u shaaciyay magacyada 10 xukmane oo saaka lagu qiyaasay magaalada Gaalkacyo.

Taliyaha Qeybta Booliska Gobolka Mudug G/sare Maxamuud Cabdixakiin Yuusuf oo uu weheliyo Taliyaha Ciidanka Daraawiishta Aagga Mudug G/sare Sharma’arke Shiikh doon ayaa shaaciyay magacyada 10 xukmane ee la qiyaasay kadib markii lagu helay falalka argagixiso.

Xukmanayaasha oo horay Maxkamadda Ciidamada Puntland xukun dil ah ugu ridday ayaa lagu helay in ay dilal kala duwan ka geysteen magaalada Gaalkacyo waxaana magacyadoodu kala yihiin sida tan:

1. Xukmane Xasan Jaamac Maxamed 2. Xukmane Liibaan Aadan Muuse 3. Xukmane Barkhad Cawil Xirsi 4. Xasan Muuse Axmed 5. Xukmane Cabdiqaaliq Warsame Barre 6. Xukmane Cadde Cabdullaahi Maxamed 7. Xukmane Maxamed Cabdisalaan Axmed 8. Xukmane Cabdiraxmaan Faysal Salaad 9. Xukmane Cabdiqani Farxaan Cabdullaahi iyo 10. Xukmane Cabdisalaan Sahal Shucayb.

Taliyaha Qeybta Booliska Gobolka Mudug G/sare Maxamuud Cabdixakiin Yuusuf iyo Taliyaha Ciidanka Daraawiishta Aagga Mudug G/sare Sharma’arke Shiikh doon oo si wadajir ah hadal uga jeediyay Caska lagu toogtay 10-ka xukmane ayaa ugu baaqay Waalidiinta Gobolka Mudug in ay Carruurtooda ka ilaashadaan ku biirista Al-shabaab.

PUNTLAND POST

The post Puntland oo shaacisay magacyada 10 xukmane oo saaka lagu toogtay Gaalkacyo kadib markii lagu helay Shabaabnimo appeared first on Puntland Post.