Ruushka oo Ukraine ku eedeeyay in ay adeegsatay gantaalka uu Mareykanka ee HIMARS

[Deeq A.]

Ruushka ayaa ku eedeyay Ukraine inay u adeegsatay gantaalka uu Mareykanka soo saaro ee HIMARS, si ay u burburiso buundada wabiga Seym ee gobolka Kursk ee dhulka Ruushka.

Waxa uu sheegay in halkaasi ay ku dhinteen dad Ruush ah oo isku dayay inay daad-gureeyaan rayidka ku go’doonsanaa wabiga Seym , sida ay sheegay afhayeenka Wasaaradda Arrimaha dibadda Ruushka, Maria Zakharova.

Ciidanka Ukraine ayaa markii u horreysay taariikhda muddo 11 maalin ah gudaha ugu jira dhul ballaaran oo Ruushka ah, taa oo la sheegay inay u horseeday Putin jahwareer iyo dayaacad su’aal lagu gelinayo awoodda militari ee Ruushka iyo sida uu u ilaalsan kari waayay dhulkiisa, iyadoo markaa is barbar dhig lagu sameeynayo waxa dhici lahaa haddii xudduudaha Mareykanka ay gudaha u galaan ciidan ku soo duulay.

Horey , Putin wuxuu u sheegay mar kasta oo ay khasaaro geystaan hubka reer galbeedka inuu qaadi doono tallaabo aargoosi ah oo ka dhan ah dalka iska leh hubka ay adeegsato Ukraine , balse hadda xaaladda uma wanaagsana Putin , kaasoo la filayo inuu isbeddelo deg deg ah ku sameeyo hoggaanka militariga.

PUNTLAND POST

The post Ruushka oo Ukraine ku eedeeyay in ay adeegsatay gantaalka uu Mareykanka ee HIMARS appeared first on Puntland Post.