Puntland oo saaka dil toogasho ah ku fulisay 10 xukmane oo lagu helay falal argagixiso

[Deeq A.]

Dowladda Puntland ayaa saaka oo Sabti ah dil toogasho ah ku fulisay 10 xukmane oo lagu helay in ay ka tirsan yihiin maleeshiyaadka AS.

Caska magaalada Gaalkacyo ayaa lagu toogtay 10-ka xukmane oo horay Maxkamadda Ciidamada Puntland dil toogasho ah ugu ridday kadib markii lagu helay falalka argagixiso.

Qoraal kooban oo ka soo baxay Taliska Booliska Puntland ayaa lagu shaaciyay warka toogashada xubnahaasi oo sida la sheegay dilal kala duwan hore uga geystay magaalada Gaalkacyo ee xarunta gobolka Mudug.

“Maanta magaalada Gaalkacayo waxaa lagu fuliyey xukun dil ah 10 ka tirsan argagixisada Al-Shabaab, kuwaas oo horey maxkamadda sare ee ciidamada ay ku xukuntay dil, kadib markii lagu helay inay geysteen dilal magaalada Gaalkacayo” ayaa lagu yiri qoraalka Booliska.

PUNTLAND POST

The post Puntland oo saaka dil toogasho ah ku fulisay 10 xukmane oo lagu helay falal argagixiso appeared first on Puntland Post.