Dowladda Jabuuti oo sheegtay in ay xal qarsoodi ah u hayso Khilaafka Soomaaliya iyo Itoobiya

[Deeq A.]

Dowladda Jabuuti ayaa sheegtay in Turkigu aanu xal ka keeni karin dhex-dhexaadintiisa Khilaafka Itoobiya iyo Soomaaliya ee ka dhashay MOU-gii badda.

Wasiirka arrimaha dibadda Jabuuti, Maxamuud Cali Yuusuf ayaa hoos u dhigay suurtagalnimada dhexdhexaadinta Turkiga in lagu gaari karo xalka khilaafka Soomaaliya iyo Itoobiya.

Wasiirka ayaa tilmaamay halka la joogo in uu xalku yahay labada dal midkood in uu ka tanaasulo mowqifkiisa, wuxuuna intaasi raaciyay in dowladda Jabuuti ay hayso xal qarsoodi ah oo lagu xallin karo khilaafka labada dal.

Jabuuti oo hoggaamisa urur-gobolleedka IGAD ayaa ku guul-darraysatay iskudayadii bilowgii khilaafkan in la isku keeno labada waddan , mana cadda hadda sida xalka Jabuuti ee qarsoodiga ah ay u oggalaanayaan labada dhinac.

PUNTLAND POST

The post Dowladda Jabuuti oo sheegtay in ay xal qarsoodi ah u hayso Khilaafka Soomaaliya iyo Itoobiya appeared first on Puntland Post.