Warbixin laga soo saaray Furuq dilaaya oo si dhakhso ah ugu faafaya Qaaradda Afrika

[Deeq A.]

Ururka Midowga Afrika ayaa ku dhawaaqay xaalad caafimaad deg deg ah oo qaaradda oo dhan ah, taas oo lagu xakameynayo faafitaanka cudurka furuqa daanyeerka ee Afrika.

Xarunta Xakamaynta iyo ka hortagga cudurada ee Afrika (Africa CDC) ayaa ku sheegtay heerka caabuqa fayraska ee faafitaanka uu ahaa mid naxdin leh, wuxuunna gaaray fayraskan 16 dal oo ka tirsan Afrika.

Tan iyo 4 bishan Agoosto, waxaa Afrika laga diiwaangeliyay 38,465 ee furuqa daanyeerka iyo dhimashada 517 tan iyo bishii Jannaayo.

Mpox, oo loo yaqaannay furuqa daanyeerka ayaa ah xanuun uu sababo fayras. Waxaa lagu kala qaadaa taabashada qofka qaba xanuunka.

Waxaa sidoo kale la isugu gudbin karaa neefta. Calaamadihiisana waxaa ka mid ah nabro yaryar oo jirka kasoo baxa, dildillaac afka iyo xubinta taranka ah.

PUNTLAND POST

The post Warbixin laga soo saaray Furuq dilaaya oo si dhakhso ah ugu faafaya Qaaradda Afrika appeared first on Puntland Post.