Ciidamada Ukraine oo sheegay in ay qabsadeen qeyba kamid ah dhulka Ruushka

[Deeq A.]

Taliyaha ugu sarreeya millitariga Ukraine ayaa sheegay in ciidamadiisu ay qabsadeen dhul gaaraya ilaa 1,000 kilomitir oo isku wareeg oo ka tirsan gobolka Kursk ee dalka Ruushka.

Waa marki ugu horreysay oo uu sarkaal ka tirsan millitariga Ukraine uu si cad uga hadlo wararka ku saabsan in Ukraine dhul ka qabsatay dowladda Ruushka.

Gen. Oleksandr Syrskyi ayaa muuqaal uu soo duubay ku sheegay, in dagaalka uu ka socdo dhammaan jiidaha hore islamarkaana ay ilaa 1,000 km gudaha ugu jiraan dalka Ruushka.

Warkan ayaa imaanaya iyadoo ku dhawaad hal todobaad laga joogo weerar culus oo ciidamada Ukraine ku galeen dhulka Ruushka kaasi oo jawaab u ah duullaanka Ruushka ee Ukraine.

Madaxweynaha Ruushka Vladimir Putin ayaa Isniintii sheegay, in weerarka Ukraine soo qaadday uu yahay isku day ay ku dooneyso in ay ku hakiso duullaanka ciidanka Ruushka ee gobolka Donbas.

PUNTLAND POST

The post Ciidamada Ukraine oo sheegay in ay qabsadeen qeyba kamid ah dhulka Ruushka appeared first on Puntland Post.