Khasaare ka dhashay roob dabaylo wata oo xalay ka da’ay degmada Laasqoray

[Deeq A.]

Wararka ka imaanaya degmada Laasqoray ee gobolka Sanaag ayaa sheegaya in xalay uu halkaasi ka da’ay roob dabayl xooggan wata oo khasaare hantiyeed sababay.

Guddoomiyaha degmada Laasqoray Cabdikariin Yuusuf Jaamac oo si kooban uga  hadlay khasaaraha roobka ayaa sheegay in dabayshaasi xooggan gebi ahaanba burburisay xaruma ganacsi iyo gurya badan.

Guddoomiye Cabdikariin ayaa sidoo kale sheegay in badda oo kacday ay la tagtay inta badan gaadiidkii badda oo ay ku jiraan doonyo iyo laasha kalluumeysi kuwaasi oo ay lee yihiin kalluumeysatada degaanka.

Dhinaca kale Wasaaradda Gargaarka iyo Maareynta Musiibooyinka Puntand ayaa uga digtay shacabka degmada Laasqoray iyo nawaaxigeeda in ay ka fogaadaan xeebaha iyo meelaha godan ee biya mareenka ah islamarkaana taxaddar dheeriya muujiyaan.

PUNTLAND POST

The post Khasaare ka dhashay roob dabaylo wata oo xalay ka da’ay degmada Laasqoray appeared first on Puntland Post.