Ra’iisul wasaaraha Soomaaliya oo booqasho ku tegay Jubaland

[Deeq A.]

Ra’iisul wasaaraha Xukuumadda Federaalka Soomaaliya mudane Xamse Cabdi Barre oo ay weheliyaan xubno ka tirsan Golahiisa Xukuumadda ayaa maanta gaaray Dowlad Goboleedka Jubaland.

Madaxweynaha Dowladda Jubaland Mudane Axmed Maxamed Islaam ayaa garoonka diyaaradaha Sayid Maxamed Cabdille Xasan ee magaalada Kismaayo ku soo dhaweeyay Ra’iisul Wasaare Xamse Cabdi Barre iyo wefdiga uu hoggaaminayo

Mas’uuliyiin ka tirsan Golayaasha kala duwan ee Dowladda Jubaland iyo dadweyne kale ayaa sidoo kale qeyb ka ahaa soo dhaweeynta Ra’iisul wasaaraha Xukuumadda Federaalka Soomaaliya.

Ra’iisul Wasaaraha XFS Mudane Xamse Cabdi Barre ayaa Jubaland u yimid dhiiriigelinta iyo Tageerada Ciidamada Jubaland oo hawlgallo kooxaha Argagixisada ah lagu beegsanayo ka wada degaanno ka tirsan Gobollada Jubbooyinka.

PUNTLAND POST

The post Ra’iisul wasaaraha Soomaaliya oo booqasho ku tegay Jubaland appeared first on Puntland Post.