Gudiga Ololaha Doorashada Ee Ardaaga Cabdi Ciise Iyo Bahihiisa oo kulankoodii u horeeyay yeeshay

[Deeq A.]

Maanta oo ay bishu tahay 27 July 2024, Gudida ololaha doorashada ee Ardaaga Cabdi Ciise iyo Bahihiisa, ayaa kulankoodii ugu horeeyay ku yeeshay Hotel Ambassador, magaalada Hargeysa.

Kulankan oo uu gudoominayey Gudoomiyaha Gudidan Mahad Kaambul ayaa lagu lafaguray u diyaargarawga doorashada iyo doorka muhiimka ah ee Ardaagu uu ka qaadan doono.

Kulankaas oo ay goobjoog ka ahaayeen Masuuliyiinta Xisbiga ee Ardaaga iyo Cuqaasha Ardaagu, waxa uu ku soo dhamaaday Guul.

Gudidani waxa ay baaq dheer u direen Ardaaga iyo bulshada Reer Somaliland ba iyaga oo ugu baaqay in doorashada loo diyaargaroobo.

Ardaagani iyo Bahahiisa ayaa dhawaan ku biiray xisbiga Waddani iyada ay xaflad balaadhan oo ay isugu yimaadeen madaxda sar sare ee xisbiga Waddani iyoMusharaxa xisbigaasi ay shaaciyeen in ay dhisayaan oo ay garab istaagayaan Dr Cabdiraxmaan Maxamed Cabdilaahi Cirro oo la filaayonin uu noqon doono madaxweynaha Somaliland ee fooda inagu soo haya

Qaran News