Puntland: Saddex kamid ah degmooyinka gobolka Nugaal oo saaka u dareeray doorasho qof iyo cod ah

[Deeq A.]

Dadweynaha degmooyinka Garoowe, Dangorayo iyo Godobjiiraan ee gobolka Nugaal ayaa saaka u dareerey doorashada qof iyo cod ee golayaasha degaanka Puntland.

In ka badan 64 kun oo qof ayaa ka codaynaya 80 goobood oo ku yaalla saddexdaas degmo ah waxaana doorashada ku tartamaya 8 xisbi oo ay u sharraxan yihiin 431 musharrax oo ku tartamaya 81 kursi.

Doorashada ayaa bilaabatay saaka 6:00am subaxnimo waxaana ay goobaha cod-bixinta xirmi doonaan 6:00pm makhribnimo sida ay sheegeen guddiga doorashooyinka Puntland.

Guud ahaan goobaha doorashada ayaa laga joojiyay dhaq dhaqaaqa dadka iyo gaadiidka marka laga reebo kuwa shaqada ku jira ee u xil saaran hawlaha doorashada.

PUNTLAND POST

The post Puntland: Saddex kamid ah degmooyinka gobolka Nugaal oo saaka u dareeray doorasho qof iyo cod ah appeared first on Puntland Post.