Caalimkii Weynaa ee Soomaaliyeed Sheekh Cismaan Xidig oo Muqdisho Ku Geeriyooday

[Deeq A.]

Allaha u naxariistee waxaa magaalada Muqdisho xalay ku geeriyooday Sheekh Cismaan Xiddig oo kamid ahaa Culimada Soomaaliyeed kuwa ugu waaweyn, uguna magaca dheer, kaas oo soo saaray culimo badan oo diinka uu baray.

Shiikha oo maalmihii la soo dhaafay ku xanuunsanaa magaalada Muqdisho ayaa waxaa geeridiisa xaqiijiyey, dardaarankiisiina bulshada la wadaagay Sheekh Maxamed Daa’uud oo xertiisa ka mid ah.

Sgiikh Cismaan oo ka soo jeeday qoys diimeed Soomaaliya caan ka ah ayaa in ka badan 60 sano ku howlanaa fidinta diinta islaamka, ayagoo qoray kutub badan oo ku saabsan faniya kala duwan ee cilmiga shareecada iyo afka carabiga.

Shiikha ayaa lagu aasi doonaa goob uu horay uga dardaarmay oo ku taalla degmada Kaaraan ee gobolkan Banaadir, waxaana ka tacsiyeeyey madaxda dalka ugu sareysa iyo masuuliyiin hore dowladda xilal uga soo qabtay.

Source: goobjoog.com