Ciidamada dowladda Soomaaliya oo nin lagu sheegay Shabaab ku toogtay Masagawaa

[Deeq A.]

Ciidamada dowladda federaalka Soomaaliya ee ku sugan magaalada Masagawaa ee gobalka Galgaduud ayaa saaka toogtay nin lagu sheegay in uu ka tirsanaa Al-shabaab oo ku hubeysnaa qoriga AK-47 ah, kaas oo lagu qabtay koontaroolka magaaladaas.

Dhinaca kale ciidamada ayaa deegaanka Xuseen Cagey ku qabtay 3 gaari oo ah nooca Soomaalidu u taqaano Layla Calaawi, kuwaas oo saraakiisha ciidamada sheegeen in ay wadeen shidaal iyo dumar u socday Al-shabaab.

Saraakiisha ayaa intaasi kusii daray inay sii wadi doonaan howlgalka, inta ay Al-shabaab laga sifaynayo aagga deegaanka Masagawaa ee gobolka Galgaduud.

Gobollada dhexe ee dalka ayaa waxaa weli ka socda howlgallo culus oo ka dhan ah kooxda Al-shabaab, kaas oo khasaare lixaad leh lagu gaarsiiyay kooxdaas.

PUNTLAND POST

The post Ciidamada dowladda Soomaaliya oo nin lagu sheegay Shabaab ku toogtay Masagawaa appeared first on Puntland Post.