Agaasime ku xigeenkii Maxjarrada Puntland oo ku geeriyooday shil gaari

[Deeq A.]

Wararka ka imaanaya degmada Yucub oo ka tirsan gobolka Doollo ee dowlad degaanka Soomaalida DDS ayaa sheegaya in halkaasi uu xalay ka dhacay shil gaari oo khasaare dhimasho iyo dhaawac sababay.

Wararka ayaa tilmaamaya in shilkaasi uu galay gaari Leyla Calaawi ah, oo ay leedahay shirkadda Safarada Al-ixsaan, kaasi oo shalay subax ka baxay magaalada Garoowe ee caasimadda Puntland, kuna sii jeeday magaalada Qabri-dahar ee gobolka Qorraxeey (DDS).

Inta la xaqiijiyay saddex qof oo uu ku jiro agaasime ku xigeenkii Maxjarada Puntland Maxamed Shire Cismaan Sayroon ayaa ku geeriyooday shilkaasi, halkay ay ku dhaawacmeen ilaa shan qof oo kale, kuwaasi oo u badan haween.

PUNTLAND POST

The post Agaasime ku xigeenkii Maxjarrada Puntland oo ku geeriyooday shil gaari appeared first on Puntland Post.