Madaxweyne Erdogan oo Reer Galbeedka ugu baaqay in Israel lagu cadaadiyo xabbad-joojinta Gaza

[Deeq A.]

Madaxweynaha Turkiga Recep Tayyip Erdogan ayaa ugu baaqay Wadamada Reer Galbeedka waa in ay ku cadaadiyaan Israel in ay aqbasho soo jeedintii ugu dambeysay ee xabad joojinta Gaza.

“Kadib markii madaxweynaha Mareykanka Joe Biden uu taleefoon kula hadlay (Ra’iisul wasaaraha Israa’iil) Benjamin Netanyahu, waxaan rajeynayaa in xabad joojin kama dambeys ah lagu xaqiijiyo dhowr maalmood gudahood si xasuuqa Israel uu u soo dhamaado” ayuu yiri Erdogan.

Dhinaca kale, dadaallda lagu xaqiijinayo xabbad-joojinta iyo sii deynta la haystayaasha ee Gaza ayaa isa soo tarayay ka dib markii Xamaas ay soo jeedisay hindise dib loo eegay oo ku saabsan qodobbada heshiiska, Israa’iilna ay sheegtay inay dib u billaabi doonto wada-xaajoodyadii hakadka galay.

Ra’iisul Wasaaraha Israa’iil Benjamin Netanyahu ayaa u sheegay madaxweynaha Mareykanka Joe Biden in uu soo diri doono wefdi si ay dib ugu billaabaan wadahadallada.

PUNTLAND POST

The post Madaxweyne Erdogan oo Reer Galbeedka ugu baaqay in Israel lagu cadaadiyo xabbad-joojinta Gaza appeared first on Puntland Post.