Xamaas oo soo bandhigay weeraro ay la beegsadeen ciidamada Israa’iil

[Deeq A.]

Guutooyinka hubaysan ee Xamaas, ayaa warsaxaafadeed ay baahiyeen waxay ku soo bandhigeen weerarro iyo dagaallo ay ciidanka Israa’iil kula galeen Qasa , gaar ahaan xaafadda Shujaciya.

Waxay sheegeen in weerarradooda ku dhisnaa howlgallo gaadmo ah in ay ku dileen saraakiil iyo askar, iyadoo ugu yaraan saddex sarkaal iyo tiro askar ah ay qirteen ciidanka Israa’iil in looga dilay dagaalka ka dhacay Shujaciya 24 saac ee la soo dhaafay.

Warsaxaafadeedka ayaa inta ku daray inay dhowr taangi la beegsadeen qaraxyo, ayna ku arkeen diyaaradaha qumaatiga u kaca oo ciidanka Israa’iil ka qaadaya aagga ku dhow Shujaciya, mid ka mid ah diyaaradahaa ayay sheegeen inay la beegsadeen gantaal, balse lama sheegin haddii khasaare uu ka dhashay.

Waxyar kaddib markii uu soo baxay warsaxaafadeedka Xamaas, warbaahinta Israa’iil ayaa ku warrantay inay dhacdo halis ah ciidanka Israa’iil kala kulmeen waqooyiga Qasa.

PUNTLAND POST

The post Xamaas oo soo bandhigay weeraro ay la beegsadeen ciidamada Israa’iil appeared first on Puntland Post.