Madaxweyne Xasan Sheekh oo Ka Qeybgalay Munaasabad Lagu Xasuusanayay Madaxweynihii Koowaad ee Dalka

[Deeq A.]

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ka qayb galay Munaasabad lagu xusayay Madaxweynihii Koowaad ee Soomaaliya Alle ha u naxariistee mudane Aadan Cabdulle Cusmaan (Aadan Cadde)

Madaxweynaha oo Aadan Cadde ku tilmaamay aasaasihii dowladnimada Soomaaliya iyo hoggaamiyihii dimuquraadiyadda Qaradda Afrika ayaa sheegay in dowladdu ay hirgalindoonto Maktabad lagu kaydiyo taariikhda iyo wax qabadkii Madaxweyne Aadan Cadde.

Waxaa uu xusay in ay go’an tahay sidii loo xusi lahaa dadkii muhiimka ahaa ee dalkaan u dhintay iyagoo difaacaya horumarka.

Muddo dheer ayuu sheegay Madaxweyne Xasan Sheekh Maxamuud in ay niyaddiisa ku jirtay sidii lagu heli lahaa goob jiilka soo socda ay kala socdaan taariikhda dalkaan.

Aadan Cadde ayaa ahaa Madaxweynihii ugu horreeyay Afrika ee si nabad ah oo dimuquraadi ah xukunka ku wareejiyay.

Source: goobjoog.com