Alshabaab again take control of the empty space Wabxo

[Emperor]

Ciidanka Xizbul Islaami iyo Xarakada Al-shabaab oo la wareegay gacan ku haynta Degaanka Wabxo

Posted to the Web Jun 05, 16:16

 

 

Gal-gaduud:- Waxaa saaka ka dhacay dagaal xooggan degaanka Waxbo ee Gobolka Gal-gaduud Dagaalka ayaa waxaa uu ka dhex qarxay Xoogaga Xizbul Islaam iyo Xarakada Al-shabaab iyo maleeshiyaadka beeleed ay qayb ka yihiin dhalinyaro ka tirsan Daiiqada Suufiyada.

 

 

Dagaalka ayaa waxaa uu qarxay ka dib markii saaka ay Xoogaga Xizbul Islaam iyo Xarakada Al-shabaab ay weerar ku qaadeen maleeshiyaad beeleed ay horseed u yihiin qaar ka mid ah Daiiqada Suufiyada oo Maalmo dhaweyd la wareegay gacan ku haynta Degaanka Wabxo.

 

 

Saraakiil u hadalay Xizbul Islaami iyo Xarakada Al/shabaab ayaa waxaa ay sheegteen in guul ay ka gaareen dagaalka ay saaka qaadeen iyagoo sheegtay in dhinacii ka soo horjeeday ay ka qabsadeen hub iyo Tikniko iyo Saanada kale duwan.

 

Dagaalka saaka ayaa waxaa ka dhasahay khasaaro xooggan oo soo kala gaaray 2 dhinac ee dagaalku uu u dhexeeyey, dagaalka ayaa waxaa saaka uu u durka Deegaan lagu magacaabo Warxoolo oo Degmada Wabxo oo dhanka Degmada Guri-ceel ka xiga.

 

Warar soo baxay ayaa sheegay in ciidamo taabacsan Xarakada Al-shabaab iyo Xisbul Islaam ay gaareen Degmada Ceelbuur ,Ciidamadaas ayaa la sheegayaa in uu la socodo Afhayeenka Xizbul Islaam Muuse Cabdi Caraale iyo Masuuliyiin kale duwan

 

 

A/Cawaale

Halgan.net