Shabakad Dhalinyarada ka tahriibin jirtay degaannada Puntland oo gacanta lagu dhigay

[Deeq A.]

Ciidanka Booliska Puntland iyo Booliska Dowlad degaanka Soomaalida DDS oo is kaashanaya ayaa gacanta ku dhigay shabakad ka shaqayneysay Tahriibinta Dhalinyarada.

Taliska Booliska Puntland ayaa sheegay in shabakadda gacanta lagu dhigay oo ka kooban 8 xubnood ay wadeen dhalinyaro laga tahriibiyay degaannada Puntland si loogu gacan geliyo kuwa lagu magacaabo Magafayaasha.

“Ciidanka Booliska Puntland iyo Ciidanka Booliska Dowladd deegaanka Soomaalida ayaa gacanta ku dhigay shakabad tahriibayaal ah kuwaa oo waday dhalinyaro laga tahriibiyay deegaanada Puntland loona waday in magafe loo gacangalaiyo” ayaa lagu yiri Qoraalka Booliska.

Taliska Booliska Puntland ayaa sidoo kale shaaciyay magacyada Shabakadda oo lagu qabtay degmada Qabri Dahar ee Dowlad degaanka Soomaalida DDS.

1. Maxamed Maxamuud Muuse
2. Yuusuf Cabdi Ciise
3. Raxma Jaamac Maxamed
4. Caasha Maxamed Maxamuud
5. Saamiya Yaasiin Maxamuud
6. Cabdi Risaaq Geelle Maxamed
7. Farxaan Maxamed Barre
8. Ladaned Cali Cabdullaahi

“Ciidanka Booliska Puntland gaar ahaan qaybta danbi-baarista CID ee Gobolka Nugaal ayaa sidoo kale wada how-galo lagu dabar jarayo shabakadahan oo caadaystay in ay marin habaabiyaan dhalinyarada Puntland” ayuu sii raaciyay Qoraalka Booliska.

PUNTLAND POST

The post Shabakad Dhalinyarada ka tahriibin jirtay degaannada Puntland oo gacanta lagu dhigay appeared first on Puntland Post.